First Night : Dark Night الليلة الأولى: الليل الحالك

Chapter 1

الليلة الأولى: الليل الحالك                                                                                    First Night: Dark Night

قضيت ليالي ما اذوق فيها طعم النوم،ما لقيت غير اكتب اللي في بالي أحاول اتناسى واقضي الوقت اللي فيه الثواني كالساعات ...

I spent nights ,when my eyes didn't glimpse for a second. The residue was to write whats on my mind trying to forget pass the seconds that felt like hours...

في ابياتي اوصف بعض ما يشغل بالي، وبعضها الآخر مجرد خواطر ...

 In my poems, I describe what worries me, some is just thoughts...

هل هي حالة من القلق؟ هل هو جت لاق :)؟ هل هو نوع من التوتر؟ اترك القاري يحكم ويجاوب عن تساؤلاتي ...

Is it anxiety? Am I still jet lagged :)? Is it some kind of tension? I'll let you judge and answer  my concerns ...

في سكون الليل وصمت الخلايق

كتبت اللي يجوب ويجول في بالي

اعد لك من عذب القصيد كلام لايق
في ليلة ريحها اطيب من كل الليالي

ليلي طويل وطعم النوم ماني ذايق

اسامر الليل اساله يجاوب سؤالي

في لحظات يكون بها صدري ضايق

اراجع ما بذر مني من قول وأفعالي

و لحظات يكون مزاجي أكثر من رايق
انثر لك ابيات وارسم من نسج خيالي

نامت العيون واستراحت على النمارق
وتبقى من ذكراك فبالي أحلى الثواني

صاحبي لين حزنت وكان صدرك ضايق

تذكر أيام نسهر، ليتها ترد ايام الخوالي

العمر كله يومين: اليوم نجتمع وباجر نفارق
لا تنسى و تنكر لحظات التضحية والتفاني

جروح الماضي بجسمي احتلت كل المناطق
لين ذكرتك تفطَر قلبي حزناً وامتلى فؤادي

ساعات احس اني في متاهات الزمن عالق
ما اعرف بالضبط انا فحاضر ولا ماضي؟

يا ليل طولت، متى شمس الصباح تشرق

تعبت وأنْ لساني، مالقيت منك رد شافي

قرب الفجر وذكرت قول ربي "والسماء والطارق"
رجعت استغفر مما اقترفت يدي من اثم وذنوبي

ياللي تقرى طلبتك، بس على شرط توافق

في صمت ليلي، ممكن تجاوب عن سؤالي؟

شاعر الليل


النمارق: الوسائد